ABŞ-da iki təyyarə toqquşub, 3 nəfər ölüb

Bakı. 7 sentyabr. REPORT.AZ/ ABŞ-da iki təyyarə toqquşub, 3 nəfər ölüb.

"Report" xəbər verir ki, bu barədə "Atlanta Journal-Constitution" nəşri məlumat yayıb.

Məlumata görə, hadisə Corciya ştatının Kerol dairəsində baş verib. Qərbi Corciya regional aeroportu yaxınlığında "Diamond Aircraft DA20C1" və "Beech F33A" təyyarələrinin toqquşması zamanı 3 nəfər ölüb.

Faktla bağlı araşdırma aparılır.