ABŞ-da hind toyuqlarını xilas etmək üçün imza toplanılır

ABŞ-da fəaliyyət göstərən “Farm Sanctuary” xeyriyyə təşkilatı Şükran Günündə hind toyuqlarını xilas edərək təşkilata təhvil vermək barədə müraciətlə bağlı imza toplamağa başlayıb.

“Report” yerli KİV-ə istinadən xəbər verir ki, müraciətə müğənni Billi Ayliş, kino aktyoru Xoakin Feniks, aktyor və yazıçı Riki Cervays kimi məşhurlar imza atıblar.

Bu il Şükran Günü noyabrın 25-də qeyd olunacaq.

Qeyd edək ki, hələ 1863-cü ildə Prezident Abraham Linkolnun təşəbbüsü ilə Milad bayramında hind toyuqlarını kəsmək əvəzinə “əfv” etməklə bağlı rəmzi mərasim keçirilmişdi. Belə bir addımın səbəbi kimi onun kiçik oğlunun xahişi göstərilir.