​Abe: "MTA-nın casusluq fəaliyyəti təsdiqlənərsə, bu ABŞ-Yaponiya münasibətlərinə xələl gətirəcək"

Bakı. 5 avqust. REPORT.AZ/ ABŞ-ın vitse-prezidenti Co Baydenlə telefon danışığı zamanı Yaponiyanın baş naziri Sinzo Abe ABŞ-ı WikiLeaks saytında yer alan MTA-nın Yaponiya hökuməti rəhbərliyinə qarşı casusluq etməsi haqqında məlumatı araşdırmağa çağırıb. Bu barədə "Report" Qazeta.Ru-ya istinadən xəbər verir.

Söhbət zamanı Abe Baydendən izahat tələb edib və casusluq barədə məlumat təsdiqlənərsə, bu iki ölkə arasında münasibətlərin korlanmasına səbəb olacağını bildirib.