Ukraynanın tanınmış teleproqramının mövzusu Azərbaycan olub

Kiyevdə yaşayan azərbaycanlı jurnalist, rejissor Fuad Əliyev Ukraynanın tatarlara məxsus, tanınmış “ATR” televiziyasında “Bu gün” proqramının qonağı olub.

“Report”un Şərqi Avropa bürosunun məlumatına görə, bir saatlıq efirdə mövzu Azərbaycanın tarixi və bu günü ilə bağlı olub.

Aparıcının suallarını cavablandıran F.Əliyev Azərbaycanın 44 günlük Vətən müharibəsində əldə etdiyi qələbədən, müharibənin ildönümü ərəfəsində mövcud geosiyasi gerçəklikdən danışıb.

Proqramda həmçinin müstəqliyinin bərpasının 30 illiyinə hazırlaşan Azərbaycanın cümhuriyyət tarixindən də bəhs edilib, Ukrayna-Azərbaycan əlaqələri və o ölkədə azərbaycanlıların fəaliyyətindən danışılıb.