Kvemo Kartlidə 70 nəfər koronavirusa yoluxub

Gürcüstanda azərbaycanlıların yaşadıqları Kvemo Kartli bölgəsində koronavirusa yoluxanların sayı 70-ə çatıb.

“Report”un yerli bürosu xəbər verir ki, bu barədə Kvemo Kartli bölgəsinin qubernatoru Şota Rexviaşvili bildirib.

Onun sözlərinə görə, həmin şəxslərin 9-u sağalıb, 1-i isə dünyasını dəyişib.

Qubernator qeyd edib ki, Marneulidə tibb bacısının da koronavirusa yoluxması təsdiqlənib.

Ş.Rexviaşvili əlavə edib ki, bölgədə virusun yayılmasının qarşısının alınması üçün tədbirlər daha da sərtləşdiriləcək.