Yuxarı
    Bağlamaq

    Diasporla İş üzrə Dövlət Komitəsi yeni layihəyə start verib

    Dinlə

    Bakı. 11 oktyabr. REPORT.AZ/ Diasporla İş üzrə Dövlət Komitəsi yeni layihəyə - “Sabahın xeyir, Azərbaycan” videolayihəsinə start verib.

    Bu barədə "Report"a Dövlət Komitəsindən bildirilib. 

    Qeyd olunub ki, hər səhər müxtəlif ölkələrdə yaşayan azərbaycanlılar, xüsusilə gənc soydaşlarımız videoçarxlar vasitəsilə Vətəni - Azərbaycanı salamlayacaq.

    Layihənin məqsədi dünya azərbaycanlıları ilə daha sıx əlaqələr qurmaq, soydaşlarımızın doğma vətəni ilə bağlarını gücləndirməkdir.

    Diaspor gənclərinin böyük marağına səbəb olan videoçarxlarını Dövlət Komitəsinin rəsmi sosial şəbəkə ünvanlarından və Diaspor TV-dən izləmək mümkündür.

    Qeyd edək ki, Azərbaycan Prezidenti İlham Əliyevin bu ilin aprelin 23-də imzaladığı sərəncamla Fuad Muradov Azərbaycan Respublikası Diasporla İş üzrə Dövlət Komitəsinin sədri təyin edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi