Şimal-qərb bölgəsində səsvermə prosesi seçici fəallığı ilə keçirilir

Milli Məclisə növbədənkənar seçkilər üzrə ölkənin şimal-qərb bölgəsində səsvermə prosesi seçici fəallığı şəraitində davam edir.

"Report"un Şimal-qərb bürosunun məlumatına görə, bölgədə fəaliyyət göstərən 113 saylı Qax-Şəki seçki dairəsində qeydiyyatda olan 54 min 437 seçici 73 məntəqədə səs verir.

Onlardan 517 nəfəri səsvermə hüququndan ilk dəfə istifadə edir. Dairə üzrə səsvermənin gedişini 1114 müşahidəçi izləyir. 10 seçki məntəqəsində veb-kamera, 2 məntəqədə isə pandus quraşdırılıb.

113 saylı Qax-Şəki seçki dairəsinin 2 saylı seçki məntəqəsinin sədri Abdulla Orucov "Report"un yerli bürosuna bildirib ki, məntəqədə 1112 seçici səs verir.