Azərbaycanda rəqabət orqanının qərarı əsasında bazar monitorinqinin aparılması qaydaları təsdiq edilib

Nazirlər Kabineti rəqabət orqanının qərarı əsasında bazarın monitorinqinin aparılması, monitorinqin nəticələrinə dair aktın forması və tərtib edilməsi qaydalarını təsdiq edib.

"Report" xəbər verir ki, bununla bağlı Baş nazir Əli Əsədov qərar imzalayıb.

Bu Qayda Rəqabət Məcəlləsinin 44.2-ci maddəsinə uyğun olaraq hazırlanıb və rəqabət orqanının qərarı əsasında müxtəlif məhsul bazarının və bazarlarının monitorinqinin aparılması qaydalarını müəyyən edir.

Bu Qayda “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanunda nəzərdə tutulmuş monitorinqlərə şamil edilmir.