Azərbaycan Dövlət Neft Şirkətinə (SOCAR) məxsus yanacaqla dolu daha 2 nəqliyyat vasitəsilə Qarabağda yaşayan erməniəsilli sakinlər üçün yanacaq göndərilib.
"Report"un Qarabağ bürosunun verdiyi xəbərə görə, 26 sentyabrda hər biri dizel və benzin yüklü avtomobillər Xankəndiyə yola salınıb.
Yük avtomobilləri 30 illik fasilədən sonra yeni açılan Ağdam - Əsgəran - Xankəndi yolu ilə göndərilib.
Qeyd edək ki, yanacaq sentyabrın 21-də Yevlax şəhərində keçirilən görüşdə erməni sakinlərin nümayəndələrinin bölgəyə yanacaq göndərilməsilə bağlı xahişləri nəzərə alınaraq göndərilib.
Bundan öncə Ağdam-Əsgəran-Xankəndi yolu vasitəsilə 30 ton benzin, 34 ton dizel yüklü iki avtomobil Qarabağa yola salınmışdı.
![](https://static.report.az/photo/75a153c5-c645-3441-bc61-20c3f3ccedd8_300.jpeg)
![](https://static.report.az/photo/13aef7e2-6f3b-355b-b9fe-c7f0d4978a46_300.jpeg)
![](https://static.report.az/photo/d159db34-297c-39c5-bb02-d049dccdca6f_300.jpeg)