Vətəndaşlar Qarabağda bərpa və yenidənqurma tədbirlərini necə qiymətləndirirlər? - SORĞU

Prezident İlham Əliyevin təşəbbüsü və nəzarəti altında işğaldan azad olunmuş ərazilərdə bərpa və yenidənqurma tədbirləri respondentlərin 76,6%-nin gözləntilərini tam, 19,4%-nin isə əsasən doğruldur.

"Report" xəbər verir ki, bu, Sosial Tədqiqatlar Mərkəzi Böyük qayıdışa hazırlıq və quruculuq işləri barədə keçirdiyi rəy sorğusunda öz əksini tapıb.

Qeyd olunub ki, əks mövqedən çıxış edənlər cəmi 2,5%, mövqe bildirməkdə çətinlik çəkənlər isə 1,4% təşkil edib.

Həmçinin işğaldan azad olunan ərazilərdə aparılan bərpa və quruculuq işləri barədə respondentlərin 37,4%-i çox, 53,0%-i isə əsasən məlumatlıdır. 4,2% bu görülən işlər barədə əsasən məlumatsız olduğunu, 5,2% heç bir məlumatı olmadığını bildirib.