Bakı. 10 fevral. REPORT.AZ/ Azərbaycan iqtidarı ilə müxalifət partiyaları arasında fevralın 12-də növbəti görüşə Müsavat Partiyası da dəvət olunub.
Bu barədə "Report"a Müsavat Partiyası Mərkəzi İcra Aparatının rəhbəri Gülağa Aslanlı məlumat verib.
"Görüşdə iştirakla bağlı Müsavat Partiyasına da müraciət olunub", - o deyib.
G.Aslanlı bildirib ki, partiya görüşə qatılıb-qatılmamaqla bağlı qərar verməyib: "Bu məsələ partiyada müzakirə olunacaq. Müzakirələrdən sonra qərar verəcəyik".
Qeyd edək ki, Azərbaycan iqtidarı ilə müxalifət partiyaları arasında ilk görüş 2014-cü il dekabrın 13-də keçirilib.