Yuxarı
    Bağlamaq

    MSK-ya cəmi 4 partiya maliyyə hesabatını təqdim edib - SİYAHI

    Partiyalar illik maliyyə hesabatlarını auditor rəyi ilə birlikdə hər il aprel ayının 1-dən gec olmayaraq MSK-ya təqdim etməlidirlər

    Bakı. 28 fevral. REPORT.AZ/ Azərbaycanda dövlət qeydiyyatına alınan 55 siyasi partiyadan 4-ü Mərkəzi Seçki Komissiyasına (MSK) 2016-ci il üzrə maliyyə hesabatını təqdim edib.

    Bu barədə "Report"a MSK sədrinin müavini Natiq Məmmədov məlumat verib.

    O bildirib ki, illik maliyyə hesabatını təqdim edən partiyalar hakim Yeni Azərbaycan Partiyası, "Azərbaycan Mübarizləri" Partiyası, Azərbaycan Sosial Demokrat Partiyası və Azərbaycan Liberal Partiyasıdır.

    N.Məmmədov qeyd edib ki, partiyaların illik maliyyə hesabatının təqdim olunması ilə bağlı maarifləndirmə tədbirləri ötən il olduğu kimi bu il də keçiriləcək.

    Qeyd edək ki, qanunvericiliyə əsasən, siyasi partiyalar illik maliyyə hesabatlarını auditor rəyi ilə birlikdə hər il aprel ayının 1-dən gec olmayaraq MSK-ya təqdim etməlidirlər. Mərkəzi Seçki Komissiyası bu müddətdə illik maliyyə hesabatlarını auditor rəyi ilə birlikdə təqdim etməyən siyasi partiyalar barədə Ədliyyə Nazirliyinə məlumat verməlidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi