Yuxarı

MSK referendumla bağlı “Exit-poll” keçirmək istəyən təşkilatları qeydə alıb

Bu təşkilatların sayı üçdür

Bakı. 7 sentyabr. REPORT.AZ/ Azərbaycan Konstitusiyasında dəyişikliklər edilməsi məqsədi ilə 2016-cı il sentyabrın 26-na təyin edilmiş ümumxalq səsverməsində (referendum) “Exit-poll” keçirmək istəyən 3 təşkilat Mərkəzi Seçki Komissiyasında (MSK) akkreditasiyadan keçib.

“Report”un xəbərinə görə, MSK-nın bu gün keçirlən iclasında Vətəndaş Cəmiyyəti uğrunda Müstəqil Məsləhət və Yardım Mərkəzinin, Vətəndaşların Əmək Hüquqlarını Müdafiə Liqasının və “Els” Müstəqil Araşdırmalar Mərkəzinin müraciətinə baxılıb.

Məsələ ilə bağlı MSK sədrinin müavini Natiq Məmmədov məlumat verib. O deyib ki, bu qurumlar işlərində peşəkar olmalıdırlar. Müzakirələrin yekununda “Exit-poll” keçirmək üçün müraciət edən 3 təşkilat qeydə alınıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi