Yuxarı
    Bağlamaq

    Milli Məclisin növbəti plenar iclası başlayıb

    İclasa spikerliyi Ziyafət Əsgərov edir

    Bakı. 4 dekabr. REPORT.AZ/ Milli Məclisin növbəti plenar iclası başlayıb. "Report" xəbər verir ki, Milli Məclis sədrinin birinci müavini Ziyafət Əsgərovun spikerliyi ilə keçirilən iclasın gündəliyinə 7 məsələnin müzakirəsi daxil edilib.

    İclasda yeni "Dini ekstremizmə qarşı mübarizə haqqında" qanun layihəsi I oxunuşda müzakirəyə çıxarılacaq. Eyni zamanda, bir neçə qanun layihələrinə dəyişiklik edilməsi nəzərdə tutulur. Bura "Azərbaycan Respublikasının vətəndaşlığı haqqında", "Dini etiqad azadlığı haqqında", "Polis haqqında" qanunları aiddir.

    İclasda, həmçinin Cinayət və İnzibati Xətalar Məcəlləsində dəyişikliklər ediləcək.

    Gündəliyə salınan sonuncu məsələ isə "Azərbaycan Respublikası Fövqəladə Hallar Nazirliyinin 10 illiyi (2005-2015)" Azərbaycan Respublikasının yubiley medalının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" qanuna dəyişiklik edilməsidir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi