Məntəqə sədri: “Vətəndaşların vaxtında məlumatlandırılması sayəsində seçici fəallığı yüksəkdir”

Məntəqə açılandan indiyədək yüksək seçici fəallığı müşahidə olunub ki, bu da vətəndaşların vaxtında məlumatlı olması nəticəsində mümkün olub.

Bunu "Report"a açıqlamasında Səbail rayonunun 7 saylı seçki dairəsinin 14 saylı seçki məntəqəsinin sədri Təranə Sədətova deyib.

“Seçki məntəqəmizdə 1422 seçici qeydiyyatdadır. Səsvermə müşahidəçilərin iştirakı ilə saat 8-də başlayıb. Seçicilərimiz çox fəaldır”, - o bildirib.

Onun sözlərinə görə, saat 10:00-a olan məlumata görə, məntəqədə 188 seçici səsvermə hüququndan istifadə edib: “Seçki məntəqəmizə səhhətində problem olan seçici də gəlib. O, səyyar xidmətdən istifadə edəcək”.