Yuxarı

​Konstitusiya Məhkəməsinin qəbul etdiyi qərarların sayı açıqlanıb

Fərhad Abdullayev: “Fərdi şikayətlər əsasında 113 qərar qəbul edilib”

Bakı. 13 iyul. REPORT.AZ/ "Bu günədək Konstitusiya Məhkəməsinin Plenumu ümumilikdə 324 qərar, o cümlədən fərdi şikayətlər əsasında 113 qərar qəbul edib".

"Report"un xəbərinə görə, bunu Konstitusiya Məhkəməsinin sədri Fərhad Abdullayev deyib.

O bildirib ki, həmin qərarlar konstitusiyanın aliliyinin təmin olunmasına, insan hüquqlarının və azadlıqlarının qorunmasına xidmət edir: "Konstitusiya Məhkəməsinin qərarlarında ərizəçilərin pozulan hüquq və azadlıqlarının bərpa olunması ilə yanaşı, hüquq və azadlıqlarının məhkəmə müdafiəsi, bərabərlik hüququ, mülkiyyət hüququ, əmək, mənzil, istirahət və sosial təminat hüquqları və s. mühüm məsələlərə dair hüquq tətbiqetmə baxımından əhəmiyyətli hüquqi mövqelər formalaşdırılıb".

F.Abdullayevin sözlərinə görə, Konstitusiya Məhkəməsinin fəaliyyəti müddətində qəbul edilən qərarlar sırasında konstitusiya və qanunların şərhinə dair çıxarılan qərarlar xüsusi hüquqi çəkiyə malikdir: "Konstitusiya Məhkəməsi bu günədək konstitusiyanın və qanunların müxtəlif müddəalarının şərh edilməsinə dair 143 qərar qəbul edib".

Qeyd edək ki, iyulun 14-də Konstitusiya Məhkəməsinin fəaliyyətə başlamasından 18 il ötür. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi