Yuxarı

​İlham Əliyev CAR və Niderland liderlərinə təbrik məktubu ünvanlayıb

Prezident CAR və Niderland xalqını milli bayramları münasibəti ilə təbrik edib

Bakı. 25 aprel. REPORT.AZ/ Azərbaycan prezidenti İlham Əliyev Cənubi Afrika Respublikası və Niderland liderləri Ceykob Gedleyihlekisa Zuma və Villem-Aleksandra təbrik məktubu ünvanlayıb.

“Report” xəbər verir ki, dövlət başçısı CAR prezidenti Ceykob Gedleyihlekisa Zumaya yazdığı məktubda onu və xalqını ölkəsinin milli bayramı – Azadlıq günü münasibətilə öz adından və Azərbaycan xalqı adından ürəkdən təbrik edib.

“Ümidvaram ki, birgə səylərimizlə Azərbaycan ilə Cənubi Afrika Respublikası arasındakı dostluq və əməkdaşlıq münasibətləri xalqlarımızın mənafelərinə uyğun olaraq daha da inkişaf edəcək və genişlənəcəkdir”, - deyə məktubda bildirilir.

Prezident Niderland kralı əlahəzrət Villem-Aleksandra yazdığı məktubda onu və xalqını Niderland Krallığının milli bayramı – Kral günü münasibətilə səmimi qəlbdən təbrik edib.

“Bu əlamətdar gündə sizə möhkəm cansağlığı və xoşbəxtlik, dost Niderland xalqına daim əmin-amanlıq və firavanlıq arzulayıram”, - deyə prezident bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi