İdarə rəisi: “Borca görə cinayət məsuliyyətinə cəlb edilənlər 10 min dollardan çox krediti olanlardır”

Bakı. 6 mart. REPORT.AZ/ “Prezident İlham Əliyev fevralın 28-də “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” imzaladığı fərman 10 min dollara qədər krediti olan insanlara aiddir. Cinayət məsuliyyətinə cəlb edilənlər isə 10 min dollardan çox krediti olanlardır”.

“Report” xəbər verir ki, bunu Ədliyyə Nazirliyinin Probasiya xidmətində jurnalistlərlə keçirilən görüşdə nazirliyin İcra baş idarəsinin rəisi Nurəddin Mustafayev deyib.

O qeyd edib ki, qanunvericiliyə edilən dəyişikliyə əsasən, 20 min manatdan artıq vəsait ödənilmədiyi halda cinayət işi başlanılır: “Ona görə barələrində cəza tədbiri görülən şəxslər fərmanın əhatə dairəsinə düşmür”.