Yuxarı
    Bağlamaq

    ​Müsavat Partiyası Bakı Şəhər İcra Hakimiyyətini məhkəməyə verib

    Ərizəyə 1 saylı Bakı İnzibati-İqtisadi Məhkəmədə baxılacaq

    Bakı. 13 may. REPORT.AZ/ Müsavat Partiyası Bakı Şəhər İcra Hakimiyyətini (BŞİH) məhkəməyə verib.

    Partiyanın Divan üzvü Nemət Kərimli "Report"a açıqlamasında deyib ki, BŞİH Müsavatın aprelin 19-na təyin etdiyi yürüşə razılıq verilmədiyi üçün məhkəməyə müraciət ediblər. Onun sözlərinə görə, 1 saylı Bakı İnzibati-İqtisadi Məhkəməyə təqdim olunan ərizədə icra hakimiyyətinin yürüşə icazə verməməsinin qanunvericiliyə zidd olduğu qeyd edilib. 

    Xatırladaq ki, BŞİH Müsavat Partiyasının aprelin 19-na planlaşdırdığı yürüşün keçirilməsinə razılıq verməyib. İcra Hakimiyyəti partiyaya aprelin 19-da saat 15.00-dan 17.00-dək Yasamal rayon İdman-Sağlamlıq Kompleksinin stadionunda (keçmiş “Məhsul”) mitinq keçirmək təklif olunub. Müsavat rəhbərliyi isə bu təklifdən imtina edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi