Gəncəyə yeni polis rəisi təyin olunub

Gəncə Şəhər Baş Polis İdarəsinə yeni rəis təyin olunub.

"Report" xəbər verir ki, bununla daxili işlər naziri, general-polkovnik Vilayət Eyvazov müvafiq əmr imzalayıb.

Əmrə əsasən, Bakı Şəhər Baş Polis İdarəsinin əməliyyat işləri üzrə rəis müavini, polis general-mayoru Teymur Hacıyev vəzifəsindən azad edilərək Gəncə Şəhər Baş Polis İdarəsinin rəisi təyin edilib.

Daxili İşlər Nazirliyinin Mətbuat xidmətindən "Report"a fakt təsdiqlənib.