Gəncə-Daşkəsən yolunda avtomobillər toqquşub, xəsarət alanlar var 

Gəncə-Daşkəsən avtomobil yolunun Göygöl rayon ərazisindən keçən hissəsində bir neçə nəfərin xəsarət alması ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, "Opel" və "VAZ" markalı avtomobillərin toqquşması nəticəsində 1975-ci il təvəllüdlü A.Kərimov, 1975-ci il təvəllüdlü N.Kərimova, 1989-cu il təvəllüdlü S.İsayeva, 2012-ci il təvəllüdlü N.İsayeva, 2015-ci il təvəllüdlü Z.İsazadə xəsarət alıblar.

Zərərçəkənlər Göygöl və Gəncə şəhərlərində yerləşən xəstəxanalardan birinə yerləşdiriliblər.

Faktla bağlı araşdırma aparılır.