Dekabrın 7-də Bakı şəhərinin Qaradağ rayonundan yola salınan növbəti köç karvanı Füzuli şəhərinə çatıb. Yeni köçürülən ailələrə mənzillərinin açarlarının təqdimat mərasimi keçirilib.
Qaçqınların və Məcburi Köçkünlərin İşləri üzrə Dövlət Komitəsindən "Report"a bildirilib ki, mərasimdə Dövlət Komitəsinin və Azərbaycan Respublikası Prezidentinin Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) xüsusi nümayəndəliyinin rəsmiləri iştirak ediblər.
Köçürülən ailələr Füzuli şəhərində yenidən tikilən evlərdə məskunlaşacaqlar. Bu mərhələdə Füzuli şəhərinə daha 25 ailə - 80 nəfər köçürülüb. Bununla da Füzuli şəhərində 333 ailə, yəni 1186 nəfərin daimi məskunlaşması təmin edilib.
Azərbaycan Prezidenti İlham Əliyevin tapşırığına uyğun olaraq, Füzuli şəhərinə növbəti köç karvanı yola salınıb.
"Report" xəbər verir ki, ölkənin müxtəlif ərazilərində yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdən ibarət növbəti köç karvanı dekabrın 7-də Bakı şəhərinin Qaradağ rayonundan yola salınıb.
Bu mərhələdə Füzuli şəhərinə daha 25 ailə - 80 nəfər köçürülüb.
Prezident, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan ordusunun qazandığı Zəfər nəticəsində məcburi köçkünlərin 30 ildən sonra könüllü, təhlükəsiz və ləyaqətlə doğma yurdlarına qayıtmasına imkan yaranıb. Doğma yurda qayıdan Füzuli sakinləri hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban xanım Əliyevaya təşəkkür ediblər. Onlar, həmçinin torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət, ailəlırinə səbir diləyiblər.
Xatırladaq ki, indiyədək Füzuli şəhərinə 333 ailənin, yəni 1186 nəfərin daimi məskunlaşması təmin edilib.
![](https://static.report.az/photo/66bc89fc-583a-3df0-b940-acbed5685daf_300.jpeg)
![](https://static.report.az/photo/7d36a359-7cc4-3a7e-9150-25e723cb8871_300.jpeg)
![](https://static.report.az/photo/ee64fd61-5546-3844-90fa-f3e81093ab35_300.jpeg)
![](https://static.report.az/photo/bda9fc80-bdde-3531-808e-66d2d1889e57_300.jpeg)
![](https://static.report.az/photo/40e56931-a9c8-3b18-ad9c-12b87e441edb_300.jpeg)
![](https://static.report.az/photo/dbb18d6e-ece3-38c5-bb4b-c8b0b98ead78_300.jpeg)
![](https://static.report.az/photo/f2f06cfd-9120-3a79-8249-0ebb337e3a20_300.jpeg)
![](https://static.report.az/photo/79c8792e-3a20-358b-b46e-5afc69a9eb77_300.jpeg)
![](https://static.report.az/photo/ab2d30a7-f0e3-32fb-b0da-58b28d3821ef_300.jpeg)
![](https://static.report.az/photo/950634af-a10d-32c9-9022-797d897bc4d1_300.jpeg)
![](https://static.report.az/photo/21d17363-5e07-3286-8dc9-ed43fd37f739_300.jpeg)
![](https://static.report.az/photo/621dcc98-1cc1-35d5-9fb0-7faaa6ce09a9_300.jpeg)
![](https://static.report.az/photo/9cf1c33a-bb61-3ee4-9264-a20497490bc6_300.jpeg)
![](https://static.report.az/photo/8b204739-e6b6-359d-af55-829b1c360e4d_300.jpeg)
![](https://static.report.az/photo/627c24ee-7be6-37e9-b275-1a6fb9c45934_300.jpeg)
![](https://static.report.az/photo/3d1bbb01-c32e-3f65-88c5-fd433f7a9292_300.jpeg)
![](https://static.report.az/photo/a53cf6be-83d3-3513-a7b3-289113c98ab8_300.jpeg)
![](https://static.report.az/photo/21ea9607-d468-3000-a182-7908a3fcfee7_300.jpeg)
![](https://static.report.az/photo/19653f2d-aa15-34c9-adb7-a84b90e044d4_300.jpeg)
![](https://static.report.az/photo/0f33c44f-6e5c-391a-bd7b-6761005996e4_300.jpeg)
![](https://static.report.az/photo/83a71f2b-a851-32bd-b707-36afb781ef55_300.jpeg)
![](https://static.report.az/photo/c2b8d6a8-c71f-329f-92d9-cdb562db17a5_300.jpeg)
![](https://static.report.az/photo/661cb3ac-eee9-3296-b53b-1dcccd9afcc1_300.jpeg)
![](https://static.report.az/photo/64ca718c-7689-392a-acea-d9424c566237_300.jpeg)