Bakı. 23 aprel. REPORT.AZ/ Səfər Mehdiyev Azərbaycan Respublikasının Dövlət Gömrük Komitəsinin sədri təyin olunub.
"Report"un məlumatına görə, bununla bağlı Prezident İlham Əliyev aprelin 23-də “Azərbaycan Respublikası Nazirlər Kabinetinin yeni tərkibi haqqında” Azərbaycan Respublikası Prezidentinin 2018-ci il 21 aprel tarixli sərəncamına əlavələr edilməsi barədə sərəncam imzalayıb.
Qeyd edək ki, S.Mehdiyev bu təyinatadək Dövlət Gömrük Komitəsinin sədrinin birinci müavini vəzifəsində işləyib. Bundan əvvəl Dövlət Gömrük Komitəsinin sədri Aydın Əliyev idi.