Yuxarı

DİN rəhbərliyi Fəxri xiyabanı və Şəhidlər xiyabanını ziyarət edib

Ziyarətdə nazir Ramil Usubovun rəhbərliyi ilə DİN-in Kollegiya üzvləri, baş idarə, idarə və xidmət rəisləri, məsul əməkdaşlar iştirak ediblər

Bakı. 2 iyul. REPORT.AZ/ Daxili İşlər Nazirliyinin rəhbərliyi 2 iyul polis əməkdaşlarının peşə bayramı münasibətilə Fəxri xiyabanı və Şəhidlər xiyabanını ziyarət edib. 

"Report"un məlumatına görə, ziyarətdə daxili işlər naziri, general-polkovnik Ramil Usubovun rəhbərliyi ilə DİN-in Kollegiya üzvləri, baş idarə, idarə və xidmət rəisləri, məsul əməkdaşlar iştirak ediblər.

DİN rəhbərliyi əvvəlcə ümummilli lider Heydər Əliyevin məzarını ziyarət edib, abidə kompleksi önünə gül dəstələri qoyublar. Görkəmli oftalmoloq Zərifə Əliyevanın xatirəsi də ehtiramla yad olunub.

Sonra Azərbaycanın ərazi bütövlüyü və suverenliyi uğrunda canlarından keçmiş mərd mübarizlərin uyuduğu Şəhidlər xiyabanına gedərək "Əbədi Məşəl" abidəsi ziyarət edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi