Bələdiyyə seçkilərində namizədlik üçün 16 min 708 nəfər müraciət edib

Bələdiyyə seçkilərində namizədlik üçün 16 min 708 nəfər müraciət edib, 15 min 729 nəfərin namizədliyi qeydə alınıb.

"Report" xəbər verir ki, bununla bağlı Mərkəzi Seçki Komissiyasının (MSK) sədri Məzahir Pənahov qurumun bugünkü iclasında məlumat verib.

O qeyd edib ki, namizədlər 23 siyasi partiyanı təmsil edirlər:

"Bəzi namizədlər öz istəkləri ilə namizədliyi geri götürüblər. Ona görə hazırda 15 min 696 namizəd qalıb. Daha dəqiq desək, onlardan 33 nəfəri namizədliyini geri götürüb, bir nəfər vəfat edib".

Məzahir Pənahov əlavə edib ki, indiyə kimi ümumilikdə 4 min 528 müşahidəçi bələdiyyə seçkilərində müşahidəçilik üçün akkreditasiyadan keçib.

Qeyd edək ki, Azərbaycanda 2025-ci il yanvarın 29-da bələdiyyə seçkiləri keçiriləcək.