Bakıda Özbəkistanın Mədəniyyət Günü qeyd olunub

Bakıda Özbəkistanın Mədəniyyət Gününə həsr olunmuş tədbir keçirilib.

“Report” xəbər verir ki, tədbirdə Özbəkistanın Azərbaycandakı səfiri Bahrom Aşrafxanov çıxış edib.

Səfir bildirib ki, belə əlamətdar tədbirin Ramazan ayına təsadüf etməsi sevindirici haldır.

“Bütün bunlar dost Azərbaycanla əlaqələrimizin daha da inkişaf edəcəyinə bizdə əminlik yaradır”, - o əlavə edib.

Səfir vurğulayıb ki, bugünkü tədbirdə qonaqlar özbək xalqının mədəniyyəti və adət-ənənələri ilə tanış ola bilirlər: “Eyni zamanda, böyük qürur hissi ilə bildirmək istərdim ki, bu ilin fevral ayında Xivə və Şuşa qardaşlaşmış şəhərlərə çevrilib”.