Yuxarı
    Bağlamaq

    "Aztelekom"un həbs edilən baş direktoru YAP MNTK-nın sədri vəzifəsindən azad olunub

    Hazırda o, Mərkəzi Nəzarət - Təftiş Komissiyasının sədri vəzifəsini daşımır

    Bakı. 18 noyabr. REPORT.AZ/ Hazırda həbsdə olan "Aztelekom" MMC-nin baş direktoru, hakim Yeni Azərbaycan Partiyası Mərkəzi Nəzarət - Təftiş Komissiyasının sədri Məhəmməd Məmmədov partiyadakı vəzifəsindən azad olunub. 

    YAP mətbuat xidmətindən "Report"a verilən məlumata görə, M.Məmmədov öz ərizəsi ilə Mərkəzi Nəzarət - Təftiş Komissiyasının sədri vəzifəsindən azad edilib. 

    YAP-dan bildirilib ki, Baş prokuror yanında Korrupsiyaya qarşı Mübarizə Baş İdarəsi tərəfindən Azərbaycan Respublikası Rabitə və Yüksək Texnologiyalar Nazirliyi sistemində həyata keçirilən yoxlamalar nəticəsində nazirliyin "Aztelekom" İstehsalat Birliyinin baş direktoru Məhəmməd Məmmədovun barəsində həbs qətimkan tədbiri seçilib: "Yeni Azərbaycan Partiyası Mərkəzi Nəzarət - Təftiş Komissiyasının sədri olmuş Məhəmməd Məmmədov sözügedən yoxlamaların və istintaqın başlaması ilə əlaqədar YAP strukturlarında tutduğu vəzifədən azad olunmaq barədə ərizə ilə müraciət edib. Hazırda o, Mərkəzi Nəzarət - Təftiş Komissiyasının sədri vəzifəsini daşımır". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi