ANAMA yeni vakansiya elan edib

Azərbaycan Minatəmizləmə Agentliyi (ANAMA) müvafiq sahədə ehtiyat siyahısının yaradılması məqsədi ilə dövlət orqanlarında nəqliyyatın və təsərrüfatın idarə edilməsi istiqamətləri, habelə hüquqşünaslıq ixtisası üzrə ali təhsilli, sahə üzrə 10 il, rəhbər vəzifədə 5 ildən artıq iş stajı olan şəxslərin sənədlərinin qəbulunu elan edir.

Bu barədə "Report"a ANAMA-dan məlumat verilib.

"Maraqlananlar əlaqə telefonunu qeyd etməklə aşağıda göstərilən sənədləri [email protected] ünvanına göndərməlidir.

• şəxsiyyət vəsiqəsinin surəti;
• təhsilə dair sənədlərin surəti (attestat, diplom, sertifikat, arayış və s.);
• əmək kitabçasının surəti (olduğu halda).

Sənəd qəbulu cari ilin 15 iyul tarixinədək həyata keçiriləcək", - məlumatda qeyd edilib.