Amin Yusifli: “Atamın məcburi köçkün düşdüyü yaşda onunla Laçına qayıdıram”

“Bu gün də mən atamın məcburi köçkün düşdüyü yaşda onunla Laçına qayıdıram”.

“Report” xəbər verir ki, bu sözləri Laçının azyaşlı sakini Amin Yusifli söyləyib.

“Atam, babam hər zaman Laçın haqqında mənə danışırdılar. Odur ki, atamın doğma yurduna qayıtdığım üçün sevincliyəm.

Bu hissləri bizə yaşadan şəhidlərimizə Allahdan rəhmət diləyirəm, yaralılara şəfa və müharibə veteranlarına isə cansağlığı arzulayıram. Biz onların sayəsində bu gün işğaldan azad olunmuş ata-baba yurdumuza qayıdırıq”-deyə, o bildirib.