Yuxarı
    Bağlamaq

    Nardaranda peyğəmbərin karikaturasının nəşrinə etiraz olaraq aksiya keçiriləcək

    Natiq Kərimov: Aksiya qəsəbənin İmam Hüseyn meydanında olacaq və biz bu mitinqə bütün kəndləri dəvət etmişik

    Bakı. 19 yanvar. REPORT.AZ/ Yanvarın 21-də saat 14:00-da Bakının Nardaran qəsəbəsində mitinq keçiriləcək.

    Bu barədə "Report"a Nardaran Ağsaqqallar Şurasının sədri Kərbəlayi Natiq Kərimov məlumat verib.

    O bildirib ki, aksiya Fransada baş verən terror olaylarından sonra dünyanın bir sıra nüfuzlu nəşrlərinin islam peyğəmbərinin karikaturalarını yenidən dərc etməsinə etiraz əlaməti olaraq keçirilir: "İslam dininin təhqir edilməsinə etiraz edirik. Biz həm də terrora qarşı etirazımızı bildiririk. Aksiya qəsəbənin "İmam Hüseyn" meydanında olacaq və biz bu mitinqə bütün kəndləri dəvət etmişik".

    N.Kərimov mitinqlə bağlı heç bir dövlət qurumuna müraciət olunmadığını bildirib: "Biz indiyə qədər keçirdiyimiz aksiyalarla bağlı heç bir dövlət qurumuna müraciət etməmişik. Biz yalnız mitinqlə bağlı elan veririk".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi