Bakı. 1 noyabr. REPORT.AZ/ "Bakı-Tbilisi-Qars dəmir yolunun açılışı XXI əsrin başlanğıc qələbəsidir".
"Report" xəbər verir ki, bunu AMEA-nın prezidenti, akademik Akif Əlizadə Akademiyanın Rəyasət Heyətinin bu gün keçirilən iclasında deyib.
Onun sözlərinə görə, Bakı-Tbilisi-Qars (BTQ) dəmir yolunun açılışı Azərbaycanın beynəlxalq aləmdəki geosiyasi mövqeyinin nə qədər möhkəmləndiyini bir daha göstərmiş oldu".
A.Əlizadə qeyd edib ki, BTQ-nin açılışı möhtəşəm və tarixi hadisədir: "Bu, Azərbaycanın Avropaya və ipək yoluna çıxşını təmin edən əsas vasitələrdən biridir".