Azərbaycan XİN Elmar Məmmədyarov və Edvard Nalbandyanın Brüsseldə görüşəcəyini təsdiqləyib - YENİLƏNİB

Bakı. 11 iyul. REPORT.AZ/ Azərbaycan Xarici İşlər Nazirliyi Elmar Məmmədyarov və  Edvard Nalbandyanın Brüsseldə görüşəcəyini təsdiqləyib. 

XİN-nin mətbuat xidmətinin rəhbəri Hikmət Hacıyev "Report"a açıqlamasında bildirib ki, ATƏT-in Minsk qrupunun həmsədrlərinin təklifi əsasında 11 iyul tarixində Brüsseldə Azərbaycan və Ermənistan xarici işlər nazirlərinin görüşü keçiriləcək.

Görüş yerli vaxtla 19.00-da baş tutacaq.

Görüşdə danışıqlar prosesinin indiki vəziyyəti və danışıqların ciddi və nəticə yönümlü şəkildə aparılması əsas müzakirə mövzusu olacaq.

*** 12:15

Azərbaycan və Ermənistan xarici işlər nazirləri Elmar Məmmədyarov ilə Edvard Nalbandyan bu gün Brüsseldə görüş keçirəcək.

"Report" Ermənistanın Xarici İşlər Nazirliyinin "Twitter" hesabına istinadən xəbər verir ki, görüş ATƏT-in Minsk qrupunun həmsədrlərinin təşəbbüsü və iştirakı ilə keçiriləcək.