Ukrayna XİN başçısı: "ATƏT məkanında münaqişələrin həlli üçün əlavə səylər göstərilməlidir"

Bakı. 7 dekabr. REPORT.AZ/ "ATƏT məkanında həll olunmamış münaqişələr ciddi təhlükəsizlik təhdidləri yaratmağa davam edir".

"Report" xəbər verir ki, bunu Ukraynanın xarici işlər naziri Pavel Klimkin Vyanada ATƏT-ə üzv dövlətlərin Xarici İşlər Nazirləri Şurasının illik iclasında çıxışı zamanı deyib.

"Ukrayna, Gürcüstan, Azərbaycan və Moldovada münaqişələrin sülh yolu ilə həlli istiqamətində bu ölkələrin suverenliyi və ərazi bütövlüyünə tam hörmətlə yanaşmaqla daha çox səy göstərməliyik", - diplomat bildirib.

Qeyd edək ki, ATƏT-in iclasında Azərbaycanın xarici işlər naziri Elmar Məmmədyarov da daxil olmaqla 40-dan çox XİN başçısı iştirak edir.