Yuxarı

Gürcü alim: “Bu tarixi bir faktdır ki, ermənilər hər zaman qonşu dövlətlərə qarşı əsassız ərazi iddiaları ilə çıxış ediblər”

Gürcü alim: “Bu tarixi bir faktdır ki, ermənilər hər zaman qonşu dövlətlərə qarşı əsassız ərazi iddiaları ilə çıxış ediblər”
Bütün bunların qədim tarixi var

Tbilisi. 26 fevral. REPORT.AZ/ “Ermənilərin başlatdığı Dağlıq Qarabağ münaqişəsi bədbəxtlik gətirdi, xalqlara pis günlərdən, nahaq qanlardan başqa heç nə vermədi. Bu tarixi bir faktdır ki, ermənilər hər zaman qonşu dövlətlərə qarşı əsassız ərazi iddiaları ilə çıxış ediblər”.

Bu sözləri “Report”un Gürcüstan bürosuna müsahibəsində Gürcüstanın Demoqrafik Cəmiyyətinin prezidenti, tarixçi alim, professor Anzor Totadze deyib.

Alim deyir ki, ermənilər Azərbaycanın ayrılmaz tərkib hissəsi olan Dağlıq Qarabağın, eləcə də Gürcüstanda Samçxe-Cavaxetiyanın Ermənistana məxsus olduğunu iddia edirlər. Ermənistanda ərsəyə gələn kitablarda yazırlar ki, guya Samçxe-Cavaxetiya 1921-ci ildə Gürcüstana birləşdirilib. Bu qədər yalan və saxtakarlıq olmaz. Qonşulara qarşı bu qədər ədalətsizlik olmaz. Biz buna yox deməliyik, birlikdə bu cür halların qarşısını almalıyıq. Biz sübut etməliyik ki, ermənilər Cənubi Qafqaza köçürülüblər və onların bu iddiaları əsassızdır. Dağlıq Qarabağ Azərbaycanın Cavaxetiya Gürcüstanındır.

Alimin sözlərinə görə, bütün bunların qədim tarixi var. Amma 1990-ci illərdə Ermənistanda başlayan milliyyətçi çağırışlar və bu çağırışların miqyasının artması sonunda bizim xalqlarımız üçün çox ağır nəticələr verdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi