Sahil Babayev: Azərbaycanda işçi qüvvəsinin bilik və bacarıqlarının artırılmasına xüsusi önəm verilməlidir

Azərbaycanda növbəti dövrdə xüsusilə işçi qüvvəsinin bilik və bacarıqlarının artırılmasına xüsusi önəm verilməlidir.

“Report” xəbər verir ki, bunu əmək və əhalinin sosial müdafiəsi naziri Sahil Babayev COP29 çərçivəsində jurnalistlərə açıqlamasında söyləyib.

O qeyd edib ki, məşğulluğun qarşısında duran ən böyük çağırışlardan biri də yaşıl texnologiyaların yeni iş mühitinin ortaya çıxması ilə işçi qüvvəsinin bilik və bacarıqlarının ortaya çıxarılması, əmək bazarında olan dəyişikliklərə insan resurslarının uyğunlaşdırılmalısıdır.

Nazir əlavə edib ki, bunun üçün tədbirlər davam etdirilir.

"Yeni texnologiyaların ölkəmizdə tətbiqi ilə bir çox işlərin xarakteri dəyişir. Bununla bağlı Azərbaycan hökumətinin müvafiq dövlət proqramları var, hər il aidiyyəti sahələr üzrə təhsil proqramları təkmilləşdirilir", – o vurğulayıb.