Konqresmen: "ABŞ COP29-da qlobal ekoloji təhlükəsizliyi təmin etmək üçün tərəfdaşlarla əməkdaşlıq edir"

ABŞ qlobal enerji və ekoloji təhlükəsizliyi təmin etmək üçün birgə səyləri birləşdirmək məqsədilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) beynəlxalq tərəfdaşlarla əməkdaşlıq edir.

“Report” xəbər verir ki, bunu ABŞ Nümayəndələr Palatasının üzvü Avqust Pflüger COP29 çərçivəsində keçirilən tədbirdə deyib.

Onun sözlərinə görə, ABŞ CO2 emissiyalarını 2007-ci ildən bəri enerji sektorunda 14,5 %, elektrik enerjisi sektorunda 2005-ci ildən bəri 28 % azalda bilib.

O, həmçinin qeyd edib ki, 1970-ci ildən bəri ABŞ-də atmosferə atılan çirkləndirici maddələrin miqdarı 70 % azalıb: "Əgər dünyamız və ətraf mühitimizin qeydinə qalırıqsa, biz bu istiqamətdə davam etməliyik".