Nigar Arpadarai: COP29-da irəli sürülən təşəbbüsləri reallığa çevirəcəyimizə inanırıq

COP29 çərçivəsində irəli sürülən təşəbbüsləri reallığa çevirəcəyimizə inanırıq.

"Report" xəbər verir ki, bunu COP29-un BMT-nin İqlim dəyişmələri üzrə yüksək səviyyəli çempionu Nigar Arpadarai tədbirin ikinci günündə keçirilən mətbuat konfransında deyib.

O qeyd edib ki, dünyada iqlim dəyişikliyi baş verir, bütün cəmiyyət bu məsələlərə ciddi yanaşmalıdır:

"Əlimizdən gələni edirik ki, qeyri-dövlət təşkilatları, özəl və xeyriyyə qurumları buraya cəlb olunsun. Özəl sektor üçün bir sıra tədbirlər nəzərdə tutulub. İnanırıq ki, biz burada irəli sürülən təşəbbüsləri reallığa çevirə biləcəyik".