“J.P. Morgan”: Bazarlar iqlim dəyişikliklərinə zamanla cavab verəcəklər

İqlim dəyişikliyi bir gündə həll edilə biləcək bir məsələ deyil.

"Report" xəbər verir ki, bunu “J.P. Morgan” Bankının Qlobal Davamlılıq İnvestisiyaları üzrə baş strateqi Cennifer Vu COP29 çərçivəsində təşkil olunmuş “Qlobal maliyyə sistemi: İqlim fəaliyyəti üçün maliyyələşmənin genişləndirilməsi” adlı tədbirdə deyib.

C.Vunun sözlərinə görə, iqlim təsirinin azaldılması və uyğunlaşma üçün böyük maliyyə resurslarına ehtiyac var. “Bu məsələdə səbirli olmalıyıq. Bazarlar siyasət dəyişikliklərinə və öhdəliklərə dərhal reaksiya verməsə də, zamanla dəyişikliklərə cavab verəcəklər. İqlim fəaliyyətinə dair imkan və risklərin necə reallaşdığını görmək üçün səbirli olmaq vacibdir”.