Qvadelupalı ekofəal: Kolonializmdən əziyyət çəkən xalqların üzləşdiyi problemlərə diqqət çəkmək istəyirik

Qvadelupada geniş mineral ehtiyatları, təbii resurslar olduğu halda bərpa olunan enerji əlçatmazdır.

"Report" xəbər verir ki, bunu COP29-da kolonializmə qarşı aksiya keçirən qvadelupalı ekofəal Jose Martin deyib.

O qeyd edib ki, ölkəsinin hazırda külək, günəş və digər alternativ enerji ehtiyatları bol olduğu halda neft və qazdan, yəni qalıq yanacaqdan istifadə edir:

"Həmçinin bunlar bizə hamısı Avropadan izdxal edilir. Nəticədə həmin qalıq yanacaq həm iqtisadiyyatımıza, həm ekologiyamıza çox ciddi zərbə vurur. Ona görə də aksiya vasitəsilə bizim və bizim kimi kolonializmdən əziyyət çəkən xalqların üzləşdiyi problemlərə diqqət çəkmək istəyirik".