ADNOC: Azərbaycan COP29-u yüksək səviyyədə keçirəcək

Əbu-Dabi Milli Neft Şirkəti (ADNOC) əmindir ki, Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) yüksək səviyyədə təşkil olunacaq.

"Report" xəbər verir ki, bunu Bakı Enerji Forumunda çıxış edən ADNOC-un (BƏƏ) daxili, mədəni və dəyişkən kommunikasiyalar üzrə vitse-prezidenti Əli Əl Sayeq deyib.

“BƏƏ COP28-ə uğurla ev sahibliyi edib və bu, ölkədə enerji keçidi məsələləri ilə bağlı proseslərə müsbət təsir göstərib. Əminəm ki, Azərbaycan COP29-a yüksək səviyyədə ev sahibliyi edəcək”, - o bildirib