ABA: Sektor aşağı karbonlu iqtisadiyyata keçidi dəstəkləməyə tam sadiqdir

Azərbaycanın bank sektoru ölkənin aşağı karbonlu iqtisadiyyata keçidini dəstəkləməyə tam sadiqdir.

"Report" xəbər verir ki, bunu "Azərbaycan Banklar Assosiasiyası" (ABA) İctimai Birliyinin prezidenti Zakir Nuriyev noyabrın 11-dən başlayaraq noyabrın 22-nə qədər Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində təşkil olunmuş "Qlobal maliyyə sistemi: İqlim fəaliyyəti üçün maliyyələşmənin genişləndirilməsi" adlı tədbirdə bildirib.

"Azərbaycan Mərkəzi Bankının təlimatlarına uyğun olaraq iqlimlə bağlı risklər haqqında məlumat açıqlayan bankların sayı artmaqdadır", - deyə o qeyd edib.