Bakıda qış yarmarkası keçiriləcək

"Dünya Azərbaycanlılarının Həmrəyliyi Günü və Yeni İl bayramı ilə əlaqədar Bakıda ongünlük qış yarmarkası təşkil ediləcək".

"Report" xəbər verir ki, bunu Kənd Təsərrüfatı Nazirliyi yanında "Aqrar Tədarük və Təchizat" ASC-nin İdarə Heyətinin sədri Leyla Məmmədova jurnalistlərə açıqlamasında bildirib.

Onun sözlərinə görə, qış yarmarkaları dekabrın 21-dən başlayaraq Yasamal, Binəqədi, Nərimanov, Suraxanı və Abşeron rayonlarında təşkil ediləcək: "Builki yarmarkada kənd təsərrüfatı məhsullarının satışı ilə yanaşı, əyləncəli proqramlar da olacaq".