Yuxarı
    Bağlamaq

    Azərbaycanda ötən il sahibkarlara 190 mln. manat güzəştli kredit verilib

    Bu kreditlər hesabına 8 106 yeni iş yerinin yaradılması nəzərdə tutulur

    Bakı. 15 fevral. REPORT.AZ/ İqtisadiyyat Nazirliyi yanında Sahibkarlığa Kömək Milli Fondu (SKMF) ötən il iş adamlarına 189,42 mln. manat məbləğinda güzəştli kredit verib.

    Bu barədə “Report” Fonda istinadən xəbər verir.

    Məlumata görə, bu kreditlər hesabına 8 106 yeni iş yerinin yaradılması nəzərdə tutulur.

    Güzəştli kreditlər 2 477 layihə üzrə ayrılıb. Layihələrin 94,3%-i və yaxud 2 336-sı kənd təsərrüfatı məhsullarının istehsalı ilə bağlıdır. Ayrılmış vəsaitin 63,8%-i və yaxud 120,877 mln. manatı bu istiqamətə yönəldilib. Bu sahədə 5 213 yeni iş yerinin yaradılması gözlənilir.

    Layihələrin 0,5%-i və yaxud 12-si isə kənd təsərrüfatı məhsullarının emalı ilə bağlıdır. Bu işlə məşğul olan sahibkarlar SKMF-dən 22,542 mln. manat və yaxud bütün vəsaitin 11,9%-i qədər borc alıblar. Onların 574 yeni iş yeri yaradacağı nəzərdə tutulub.

    Müxtəlif sənaye məhsullarının istehsalı və emalı ilə bağlı layihələrin sayı isə 121 və yaxud bütün layihələrin 4,9%-i qədər olub. 1 112 yeni iş yerinin yaradılmasına hesablanmış bu sahənin maliyyələşdirilməsi 32,506 mln. manat və yaxud bütün kreditlərin 17,2%-i qədər təşkil edib.

    Fond xidmət sektorundan (infrastruktur sahələrin inkişafı üzrə) isə 8 layihəyə dəstək verib. Bu, bütün layihələrin cəmi 0,3%-ni təşkil edir və ayrılmış vəsaitin 7,1%-i və yaxud 13,495 mln. manatı qeyd olunan istiqamətdə xərclənib. Bu sahə üzrə isə 1 107 yeni iş yerinin yaradılması planlaşdırılır.

    SKMF ayrılmış vəsaitlərin kredit növləri üzrə bölgüsünü də açıqlayıb. Məlum olub ki, bütün vəsaitlərin 83,2%-i və ya 157,652 mln. manatı 41 layihəyə böyük həcmli kredit kimi verilib. Bu, bütün layihələrin cəmi 1,6%-i deməkdir və 3 813 yeni iş yeri yaradılmasına hesablanıb. 

    Ortahəcmi kreditlər isə bütün kreditlərin 4,7%-i qədər və yaxud 8,89 mln. manat olub. 895 yeni iş yeri yaracaq bu vəsait cəmi 34 layihəyə (bütün layihələrin 1,4%-nə) yönəldilib.

    Layihələrin 97%-ni təşkil edən 2 402 kiçik büdcəli layihəyə isə 3 398 yeni iş yerinin yaradılması şərti ilə ayrılmış vəsaitin 12,1%-i və yaxud 22,878 mln. manatı yönəldilib. 

    Göründüyü kimi, Fond daha çox iri layihələrin maliyyələşdirilməsini həyata keçirib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi