Yuxarı
    Bağlamaq

    ​2015-ci ildə qlobal iqtisadi artım təxminən ötənilki səviyyədə qalacaq

    Bu barədə BMT-nin Ticarət və inkişaf üzrə Konfransının (UNCTAD) yeni hesabatında deyilir

    Bakı. 7 oktyabr. REPORT.AZ/ 2015-ci ildə qlobal iqtisadi artım təxminən ötənilki səviyyədə qalacaq və 2,5% təşkil edəcək. "Report" BMT xəbər mərkəzinə istinadən bildirir ki, bu barədə BMT-nin Ticarət və inkişaf üzrə Konfransının (UNCTAD) yeni hesabatında deyilir.

    Ümumiyyətlə 2015-ci ildə iqtisadi artım böhrandan əvvəlki illərdəki orta göstəricidən xeyli aşağı olacaq.

    UNCTAD-ın başçısı Muhisa Kituyi bildirib ki, maliyyə böhranından səkkiz il keçməsinə baxmayaraq, dünya hələ də davamlı iqtisadi inkişaf yoluna qədəm qoya bilməyib.

    2015-ci ildə inkişaf etmiş ölkələrdə iqtisadi artımın 1,9 % təşkil edəcəyi gözlənilir. 2014-cü ildə bu göstərici 1,6 % təşkil edib. Bəzi inkişaf etmiş ölkələrdəki iqtisadi canlanmanı ekspertlər enerji daşıyıcıları qiymətlərinin aşağı düşməsi və mənzil qiymətlərinin yüksək olması səbəbindən daxili tələbatın artması, eləcə də Almaniya, Böyük Britaniya və ABŞ-da işsizliyin azalması ilə bağlı olduğunu qeyd edirlər.

    2015-ci ilin ortalarından bu yana qlobal maliyyə bazarlarına Braziliya, Rusiya Federasiyası və Cənubi Afrikadakı iqtisadi böhran və Çin iqtisadiyyatında nəzərə çarpan zəifləmə əlamətləri təsir etməyə başlayıb.

    2015-ci ildə inkişaf etməkdə olan ölkələrdə ümumi iqtisadi artım 4%-ə qədər düşəcək.

    Beynəlxalq ticarət bu il zəif olub, xam mal qiymətləri kəskin şəkildə aşağı düşüb. Ən kəskin şəkildə ucuzlaşma xam neftin qiymətlərində müşahidə olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi