Ziyad Səmədzadə: "Hər sahədə maliyyə vəsaitlərinin qənaətini tələb etmək doğru deyil"

Azərbaycanda bütün sahələr və qurumlar üzrə maliyyə vəsaitlərinin qənaətini tələb etmək doğru yanaşma deyil.

“Report” xəbər verir ki, bunu deputat Ziyad Səmədzadə İqtisadi siyasət, sənaye və sahibkarlıq komitəsinin iclasında bildirib.

“Ölkədə elə qurumlar var ki, onların xərcləri yüksəkdir. Lakin bu qurumlar maliyyə vəsaitlərini tam şəffaf şəkildə sərf edirlər və bu sahədə ciddi nöqsanlar müşahidə olunmur. Ona görə də hər bir sahədə qənaət tələbi irəli sürmək düzgün olmazdı. Əks halda, texnoloji inkişaf və yeniliklərdən geri qalmaq riski yaranar”, - deputat vurğulayıb.