Rusiyanın İqtisadi İnkişaf naziri Azərbaycana səfərə gələcək

Rusiyanın İqtisadi İnkişaf naziri Azərbaycana səfərə gələcək Rusiyanın İqtisadi İnkişaf naziri Maksim Oreşkin sentyabrın sonlarında Azərbaycana səfər edəcək.
Biznes
101
13 Sentyabr , 2019 13:09
Rusiyanın İqtisadi İnkişaf naziri Azərbaycana səfərə gələcək

Rusiyanın İqtisadi İnkişaf naziri Maksim Oreşkin sentyabrın sonlarında Azərbaycana səfər edəcək.

"Report"un Rusiya bürosunun məlumatına görə, M.Oreşkin sentyabrın 27-də Bakıda keçiriləcək Azərbaycan və Rusiya arasındakı İqtisadi Əməkdaşlıq üzrə Hökumətlərarası Komissiyanın 18-ci iclasında iştirak edəcək.

Xatırladaq ki, M.Oreşkin Rusiya tərəfdən bu komissiyanın həmsədridir. Azərbaycan tərəfdən isə həmsədr İqtisadiyyat naziri Şahin Mustafayevdir.

Komissiyanın iclasında tərəflərin ticari-iqtisadi, o cümlədən mal dövriyyəsinin artırılması, kiçik və orta sahibkarlıq sahəsində əməkdaşlığın inkişafı, regionlararası əməkdaşlıq, habelə əqli mülkiyyət, bankçılıq, kənd təsərrüfatı, sənaye, yanacaq-energetika, humanitar, mədəniyyət, turizm və təhsil sahəsində əməkdaşlıq məsələlərinin müzakirə ediləcəyi gözlənilir.

İqbal Rüstəmov

Son xəbərlər

Orphus sistemi