Qazaxıstanda istehsal olunan ilk yükdaşıyan lokomotiv Azərbaycana satılacaq

Bakı. 28 iyun. REPORT.AZ/ Fransanın "Alstom" şirkətinin Qazaxıstanda istehsal etdiyi ilk yükdaşıyan lokomotiv Azərbaycana satılacaq. 

"Report" Rusiya mətbuatına istinadən xəbər verir ki, bu barədə fransız şirkətinin Mərkəzi Asiya üzrə direktoru Bernard Pel bildirib. 

"Biz "Azərbaycan Dəmir Yolları" QSC ilə əməkdaşlığa görə fəxr edirik. Bu, zavodumuzda yığılan ilk yükdaşıyan lokomotivdir", - o deyib. 

Qeyd edək ki, yaxın 2 il ərzində Azərbaycana 50 elektrovoz göndəriləcək, onlardan 10- sərnişin, 40-ı isə yükdaşıma üzrədir.