Pirallahı Sənaye Parkında dərman istehsal etməli olan şirkət ləğv olunur

"Caspian Pharmed" QSC ləğv olunduğunu elan edib.

"Report" bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetinə istinadən xəbər verir.

Məlumata görə, kreditorlar 2 ay ərzində tələblərini Bakı şəhəri, Nizami rayonu, Heydər Əliyev prospekti, 92 A, 2023-cü məhəllə ünvanına bildirə bilərlər.

Xatırladaq ki, "Caspian Pharmed" 2017-ci ildə yaradılıb. Onun nizamnamə kapitalı 668 min manatdır. Şirkətin səhmlərinin 49%-i İranın TPİCO şirkətinə, 26%-i "Azərsun Holdinq" MMC-yə, 25%-i isə İqtisadiyyat Nazirliyi yanında "Azərbaycan İnvestisiya Şirkəti" ASC-yə məxsusdur. Pirallahı Sənaye Parkının rezidenti olan kommersiya qurumu Almaniya (Glatt, BauschStroebel, L.B.Boehle), İtaliya (Marchesini, Korsch) şirkətlərinin texnologiyaları əsasında ağrıkəsici, ürək-damar xəstəlikləri, qeyri-steroid iltihab əleyhinə vasitə, anti-histamin kateqoriyalı dərman vasitələri, həmçinin vitaminlər və qida əlavələri istehsal etməli idi.