Məmməd Abbasbəyli: "Azərbaycanın regionlarının rəqabət xəritəsi hazırlanır"

İqtisadiyyat Nazirliyi yanında Antiinhisar və istehlak bazarına nəzarət Dövlət Xidməti Azərbaycanın regionları üzrə rəqabət xəritəsi hazırlayır.

"Report" xəbər verir ki, bu barədə qurumun rəisi Məmməd Abbasbəyli ötən ilin yekunlarına həsr olunmuş mətbuat konfransında məlumat verib.

"Bizim üçün Rəqabət Məcəlləsinin qəbulu çox vacib məsələdir. Bu gün müvafiq bazarlarda hökmran mövqelərin müəyyən olunması üzrə təhlillər aparılır. Hər bir regionda rəqabət mühiti nə yerdədir, regionlarda hansı sahibkarlar var, onların hansı bazar payları var, bütün bunlar təhlil edilir", - deyə o, qeyd edib.