"Huawei Cloud" sistematik innovasiyalar vasitəsilə Mərkəzi Asiyada intellekt və rəqəmsallaşmanı sürətləndirir" - MÜSAHİBƏ

Mayın 13-15-də Bakıda üç günlük Huawei Tech Carnival & Partner Summit keçirilib. Sammit çərçivəsində bir sıra forumlar və tədbirlər keçirilmişdir. “Huawei Cloud TechWave Summit” Texnologiya Karnavalı çərçivəsində keçirilən tədbirlərdən biri idi. Sammit zamanı Huawei Cloud Yaxın Şərq və Mərkəzi Asiya üzrə prezidenti Alan Qi “Report”a müsahibəsində şirkətin fəaliyyəti, tədbirin Bakıda keçirilməsinin Azərbaycana və “Huawei Cloud”a töhfəsi, şirkətin Yaxın Şərq və Mərkəzi Asiya regionunda həyata keçirdiyi layihələr və digər mövzularla bağlı sualları cavablandırıb:

- Bakıda keçirilən “Huawei Cloud TechWave Summit” bizim regiondakı ən son texnoloji yeniliklər haqqında geniş şəkildə məlumatlı olmağımıza böyük töhfə verir. Bakıda belə bir tədbirin keçirilməsində məqsəd nə idi və Huawei Cloud-un bu tədbirdən gözləntiləri nədir?

- Mərkəzi Asiyada rəqəmsal inkişaf kəskin şəkildə sürətlənir və bir sıra Mərkəzi Asiya ölkələri bulud hesablamalarının və rəqəmsal transformasiyanın inkişafını təşviq etmək üçün hökumət vasitəsilə təşəbbüslər irəli sürmüşdür. Bu tədbirin Bakıda keçirilməsi bizə həm hökumətin, həm də təşkilatların regiondakı ən son texnologiyalarımız, həllərimiz və ən qabaqcıl təcrübələrimizlə bağlı sistemli innovasiyalar barədə ətraflı məlumat əldə edə biləcəyi əməkdaşlıq və məlumat mübadiləsi platforması kimi xidmət etmək imkanı verir və Huawei Cloud-u Azərbaycan üçün ağıllı təkmilləşdirmə məqsədilə üstünlük verilən bulud kimi müəyyənləşdirir.

- Bu tədbir Azərbaycan şirkətlərinə nə kimi töhfə verə bilər və ya Azərbaycan şirkətləri bu sammitdən necə faydalana bilər?

- Mərkəzi Asiyada rəqəmsal inkişaf kəskin şəkildə sürətlənir və bir sıra Mərkəzi Asiya ölkələri bulud hesablamalarının və rəqəmsal transformasiyanın inkişafını təşviq etmək üçün hökumət vasitəsilə təşəbbüslər irəli sürmüşdür. Bildiyimiz kimi, Azərbaycan Rəqəmsal Ölkəyə çevrilməyə doğru gedir və bu, üç əsas təməl üzərində qurulub: qabaqcıl rəqəmsal hökumət xidmətləri, rəqəmsal iqtisadiyyat və yüksək texnologiyalı cəmiyyətə nail olmaq üçün Rəqəmsal Hökumət, Rəqəmsal Cəmiyyət və Rəqəmsal Biznes.

Azərbaycanda belə böyük tədbirin keçirilməsi innovativ bulud texnologiyamızı ölkəyə və regiona nümayiş etdirmək, xüsusən də Azərbaycan şirkətlərinə yeni səmərəlilik, innovasiya və rəqabətqabiliyyətlilik səviyyələrini tətbiq etmək məqsədilə buluddan istifadə etməyə kömək etmək üçün böyük fürsətdir. 2023-cü ildə “Huawei Cloud”un qlobal gəliri 55,3 milyard RMB olub və Çin xaricindəki regionlarda ictimai bulud həcmimiz 110 % artıb. Qazandığımız uğurlar sayəsində əmin oluruq ki, biz bu rəqəmsal səyahətdə sizin “yol yoldaşınız” olmaq üçün buradayıq.Biz aşağıdakılar sayəsində buna nail olduq:

1. Davamlı innovasiya

Huawei, özünü aparıcı qlobal bulud xidməti təminatçısı kimi tanıtmaqla, Tədqiqat və İnkişafa (R&D), xüsusən də bulud texnologiyasına əhəmiyyətli investisiyalar yatırmışdır. KooVerse infrastrukturu vasitəsilə Huawei Cloud geniş qlobal əhatəyə malik yaddaş, hesablama, şəbəkə və təhlükəsizlik üzrə hərtərəfli xidmətlər təklif edir. Bundan başqa, Huawei Cloud Pangu modelləri və ModelArts platforması ilə süni intellektin inkişafına təkan verir, müxtəlif sənaye sahələrində tərəfdaşlıq və istifadə imkanlarını inkişaf etdirir. Bundan əlavə, Huawei Cloud bizneslərə məlumatlı qərar qəbul etmək və innovasiyalar üçün öz məlumatlarından istifadə etməyə kömək etmək üçün GaussDB və data-süni intellekt konvergensiya alətləri kimi həllər təqdim edir.

2. Sahə üzrə professionallıq

Huawei Bulud hərtərəfli bulud həlləri təklif etmək məqsədilə müxtəlif sektorlarda geniş təcrübəsindən və uğurlu tətbiqlərindən yararlanır. Dünyanın hər yerində hökumətlərə, maliyyə müəssisələrinə, telekommunikasiya operatorlarına və digər nüfuzlu istifadəçilərə xidmət təqdim etməklə Huawei Cloud dünyanın ən qabaqcıl təcrübələrinə çıxışı təmin edir. Huawei Cloud Yaxın Şərqdə və Mərkəzi Asiyada 600-dən çox müştəriyə xidmət göstərir və Huawei Cloud Stack vasitəsilə ümumi istifadədən yerli şirkətlərə və hibrid bulud yerləşdirmələrinə qədər çevik həllər təklif edir.

3. Bölgə üzrə inkişaf edən rəqəmsal ekosistem

“Huawei Cloud” regionun istedad və biznes potensialından istifadə edərək, Yaxın Şərq və Mərkəzi Asiyanı məlumat və süni intellekt konvergensiya mərkəzinə çevirməyi hədəfləyir. Aparıcı şirkətlərlə əməkdaşlıq etməklə, Huawei Cloud Süni intellekt, böyük məlumat, verilənlər bazası həlləri, konsaltinq, istedadlı kadrların inkişaf etdirilməsi, peşəkar xidmətlər və sənaye əməkdaşlığını əhatə edən hərtərəfli texnologiya ekosistemi təklif edir. Huawei Cloud innovasiyalara təkan verməklə yerli müəssisələri rəqəmsal dünyada lider mövqelərə çatdırmağa çalışır.

- Sizcə, tədbirin Bakıda keçirilməsi Azərbaycan şirkətlərinin “Huawei Cloud” məhsullarına marağını artıracaqmı?

Bəli. Qlobal miqyasda Huawei Cloud 100-dən çox məlumat mərkəzi və milyonlarla server ilə 170-dən çox ölkə və regionda fəaliyyət göstərir, 240-dan çox bulud xidməti təklif edir və dünya üzrə 2800 CDN (Məlumat çatdırma şəbəkəsi) qovşağına malikdir. İnanıram ki, “Huawei Cloud” bu sahədəki peşəkarlığımız sayəsində Azərbaycan şirkətləri üçün faydalı ola bilər, çünki biz həmişə sistematik innovasiyalar vasitəsilə qabaqcıl texnologiyalar tətbiq etməklə hökumətlərə və müəssisələrə rəqəmsal fəaliyyətlərində yardımçı olmağa çalışırıq. Rəqəmsal bir dövlətin qurulması istiqamətində rəqəmsal biznesin təməlinə uyğun olaraq, Huawei Cloud, Huawei-nin 30 ildən artıq texnologiya cəmləşdirmə təcrübəsindən istifadə edərək, Azərbaycandakı təşkilatlara, xüsusən də KOB-lara rəqəmsallaşmaya nail olmaqda kömək etmək üçün ən uyğun seçimdir. Huawei Cloud, Huawei-nin Tədqiqat və İnkişaf (R&D) sisteminin üç prinsipini öz fəlaiyyətinə tətbiq etmək üçün mənimsəmişdir: innovasiyaya xüsusi diqqət ayırmaq, gələcəyə güvənli şəkildə yatırımlar etmək və başdan sona qədər müştəriyönümlülüyün rəhbər tutulması. Biz əsas texnoloji səviyyələrin yaradılması üçün hər cür səy göstərməyə davam edirik, çünki ən kiçik təkmilləşdirmələr belə Azərbaycan şirkətlərinin gələcəyi üçün innovasiyalara töhfə verir. Bu öhdəlik müştərinin xüsusi tələblərinə tam cavab verə bilən texnoloji yenilikləri vasitəsilə Huawei-nin uzunömürlülüyünü daha da gücləndirir.

- Hazırda Mərkəzi Asiya regionu sürətlə inkişaf edir. Burada Orta Dəhlizin (nəqliyyat dəhlizinin) gələcək inkişafı məsələsi gündəmdədir. Bu baxımdan “Huawei Cloud” həmin regiona böyük töhfə verə bilər. Bunu nəzərə alaraq bilmək istərdik ki, bu regionun hansı ölkələrində böyük layihələrin icrasına başlamısınız? Bu layihələrin "Huawei Cloud" üçün əhəmiyyəti nədən ibarətdir? “Huawei Cloud”dan istifadə bu ölkələrin şirkətləri üçün hansı yeni imkanlar yaradır?

- Orta Dəhliz nəqliyyat infrastrukturunu, o cümlədən avtomobil yolları, dəmir yolları və limanları təkmilləşdirməklə Avropa və Asiya arasında ticarət və əlaqəni gücləndirmək məqsədi daşıyan, Mərkəzi Asiya ölkələri vasitəsilə Avropanı Asiya ilə birləşdirən strateji əhəmiyyətli nəqliyyat marşrutudur.

Dünya miqyasında Huawei Cloud 170-dən çox ölkədə və regionda fəaliyyət göstərir. Biz Yaxın Şərq və Mərkəzi Asiyada 600-dən çox müştəriyə xidmət göstəririk və həmişə hökumətlərə və bizneslərə rəqəmsal transformasiya faliyyətlərində yardımçı olmağa çalışırıq.

Mərkəzi Asiyada Özbəkistan hökuməti tərəfindən təsdiqlənmiş Rəqəmsal Özbəkistan 2030 Strategiyası rəqəmsal infrastrukturun inkişafının sürətləndirilməsinin vacibliyini vurğulayır. Milli məlumat mərkəzi kimi xidmət edən Özbəkistan hökuməti buludunun yaradılması hökumətin növbəti bir neçə il ərzində rəqəmsal infrastrukturun inkişafı üçün əsas prioritet məsələyə çevrildi. Huawei Cloud Stack-in möhkəm təməli və geniş imkanları Özbəkistanda 37 milyon insana 500-dən çox dövlət xidməti göstərən elektron hökumət portalının inkişafında səmərəliliyi artıraraq, təhlükəsiz və etibarlı milli hökumət buludunu yaratmağa kömək etdi. Nəticə etibarı ilə, sənədlərlə bağlı müxtəlif işlər əlavə əmək və vaxt tələb etmədən çox asan və daha sürətli şəkildə tamamlana bilər.

Yaxın Şərqdə Aljasser Group ofis və ev dekorasiyası üzrə ixtisaslaşmış və Körfəz Əməkdaşlıq Şurası (GCC) regionunda fəaliyyət göstərən tanınmış istehsalçı və aparıcı pərakəndə satıcıdır. Performansla bağlı çətinliklərin baş vermə ehtimalının yüksək olması, kompleks ehtiyat nüsxəsi və istismar və texnii xidmət, qeyri-kafi şəbəkə çevikliyi və yerli infrastrukturun miqyası Aljasser-in biznesinin böyüməsinə mane olurdu. Bu problemləri həll etmək məqsədilə Aljasser ERP sistemini Huawei buluduna köçürüb və əməliyyatların emal performansında 30 % irəliləyişə nail olub. Yeni pərakəndə satış məntəqələri istənilən vaxt və istənilən yerdə tez bir zamanda açıla və giriş edilə bilər və bu da Körfəz Əməkdaşlıq Şurası (GCC) regionunda biznesin genişlənməsini sürətləndirir.

China Mobile Pakistan (CMPak) 47 milyon abunəçi ilə Pakistanda ikinci ən böyük operatordur. Sürətlə böyüyən rabitə bazarı CMPak-ı rəqəmsal transformasiyasını sürətləndirməyə təşviq etdi. Onlar izolyasiya olunmuş məlumat toplusunu (data silo) aradan qaldırmaq, idarəetməni mərkəzləşdirmək və məlumatları monetizasiya etmək üçün vahid məlumat platforması yaratmağa çalışdılar. CMPak vahid məlumat platforması yaratmaq üçün bulud əsası kimi xidmət edən Huawei Cloud Stack-dən və DataArts Studio, GaussDB (DWS) və MRS daxil olmaqla qabaqcıl xidmətlərdən istifadə etmişdir. Platforma onlara izolyasiya olunmuş məlumat toplusunu (data silo) aradan qaldırmağa və əməliyyatları sadələşdirməyə kömək etdi, nəticədə müştəri loyallığı və müştəri xidmətləri təkmilləşdirildi.

- Sonda bilmək istərdim ki, şirkətin hansı məhsulları Yaxın Şərq və Orta Asiyada daha çox istifadə olunur? Bu məhsullar həmin ölkələrdə biznesin inkişafına necə kömək edir?

- Çoxsaylı hökumətlər və müəssisələr rəqəmsal transformasiya səylərini sürətləndirmək üçün süni intellekti praktik tətbiqlərə inteqrasiya etməyə başladılar. Sənaye tendensiyaları barədə məlumatlı olmaq, gələcək nailiyyətlər üçün vacib amil kimi qəbul edilir. Yaxın Şərqdə və Mərkəzi Asiyada bir çox dövlət qurumları və təşkilatları Səudiyyə Ərəbistanının “Vizyon 2030” və Azərbaycanın “Rəqəmsal Millət” layihəsi kimi təşəbbüslər vasitəsilə rəqəmsal transformasiyaya liderlik edir. Hökumət səviyyəsində, dövlət xidmətlərinin həyata keçirilməsində təcrübəni təkmilləşdirmək və səmərəliliyi artırmaq üçün daha çox süni intellektlə işləyən sual-cavab köməkçisi tətbiq olunur. Pangu süni intellektlə idarə olunan həllər arasında hökumət və müəssisə üzrə sual-cavab köməkçiləri və ağıllı şəhər həlləri də var. Hökumət və müəssisə sual-cavab köməkçisi Pangu Arabic böyük modeli və rəqəmsal insan texnologiyasına əsaslanan çoxdilli sual-cavab xidmətləri təqdim edir. Eyni zamanda, ağıllı şəhər həlli, şəhərlər, elektrik enerjisi, enerji, nəqliyyat və digər sahələrdə ağıllı əməliyyat mərkəzlərinə kömək etmək üçün multi-modal böyük modellər vasitəsilə multi-data təhlilini tamamlayır.

Enerji sənayesində İT və OT sistemlərini optimallaşdırmaq və daha ağıllı qərar qəbul etmək üçün süni intellektə əsaslanan təhlildən istifadə etmək məqsədilə IoT cihazlarını idarə etmək üçün bulud hesablamalarından istifadə edilir. Telekommuikasiya sənayesində bir çox müəssisə əsas xidmətləri təkmilləşdirmək və yeni gəlir artımı əyrisi yaratmaq üçün bulud strategiyasını tətbiq edir.

6- Son sualım budur ki, qlobal nəqliyyat sektoru kimi Orta Dəhlizin gələcək inkişafına “Huawei Cloud” nə kimi töhfə verə bilər?

- Orta Dəhliz Mərkəzi Asiya ölkələri vasitəsilə nəqliyyat infrastrukturunu, o cümlədən avtomobil yolları, dəmir yolları və limanları təkmilləşdirməklə Avropa ilə Asiya arasında ticarət və əlaqəni genişləndirmək məqsədi daşıyan Mərkəzi Asiya ölkələri vasitəsilə Avropanı Asiya ilə birləşdirən strateji nəqliyyat marşrutudur.

Pangu Modellərimiz 3.0 üç qatlı ayrılmış, 5 - L0 təməl modellərindən, N - L1 sənayeyə uyğunlaşdırılmış modellərdən və X - L2 AI tətbiqlərindən ibarət olmaqla 5+N+X iyerarxik arxitekturadır. Bu, xüsusi şərtlərlə bağlı ehtiyacları ödəmək və bir çox sənaye sahələrində mürəkkəb problemləri həll etmək üçün sürətli şəkildə uyğunlaşdırıla bilən əvvəlcədən hazırlanmış modellər sistemidir. Geniş miqyaslı məlumat toplusu və maşın öyrənmə alqoritmlərindən istifadə etməklə, Pangu 3.0 hava proqnozu, dərmanların hazırlanması, qatarlarda nasazlığın aşkarlanması və mədən sənayesi kimi müxtəlif sahələrdə süni intellektin sənayedə tətbiqində inqilab yaratmağa hazırlaşır.

Dəmir yolu kontekstində dəmir yolu sənayesində qatarlardakı nasazlıqlarının aşkarlanması zamanı əhəmiyyətli problemlərə rast gəlinir. Yük qatarlarının aşkarlanması sistemləri (TFDS) kimi hazırki üsullar əsasən əl ilə yoxlama prosedurlarına əsaslanır və zəhmət tələb edən, səmərəsizdir və baha başa gəlir. Bu problemli məsələləri aradan qaldırmaq məqsədilə, Huawei-nin Pangu Dəmiryolu Modeli nasazlığın aşkarlanması prosesini avtomatlaşdırmaq, insan səhvi ehtimalını azaltmaq və bununla da dəmir yolu yükdaşımaları xidmətləri üçün daha təhlükəsiz əməliyyatları və təkmilləşdirilmiş səmərəliliyi təmin etmək üçün süni intellektin gücündən istifadə edir.

Pangu Dəmiryolu Modeli həmçinin performansı yaxşılaşdırmaq üçün davamlı öyrənmədən də istifadə edir. Anomaliyalar aşkar edilərsə, əl ilə işarələnə və aşkarlama işini təkmilləşdirmək üçün modelə əlavə edilə bilər. Bundan əlavə, Pangu dəmir yolu modeli paylanmış serverlərdə eyni vaxtda aşkarlamanı dəstəkləyir, bu da nasazlıqların aşkarlanması üçün rərf olunan vaxtı xeyli azaldır. İki qovşaqlı bir həldən istifadə edərək, bir qatar üçün aşkarlama prosesi 8 dəqiqə ərzində tamamlanır. Daha sürətli aşkarlama prosesi nasazlıqların vaxtında aşkarlanmasını, risklərin azaldılmasını və ümumi dəmir yolu təhlükəsizliyinin artırılmasını təmin edir.

Yüksək dəqiqliyi, təkmilləşdirilmiş səmərəliliyi və daha sürətli aşkarlama imkanları ilə Huawei-nin Pangu Railway Model həlli dəmir yolu sektorunda nasazlığın aşkarlanması üzrə yeni standart təmin edir.